အမျိုးသား အငြိမ်းစားလစာငွေများ လျှောက်ထား တောင်းခံ နိုင်ကြောင်း သတင်းကောင်း

အာမခံ နှင့် အပ်နှံငွေ (Insurance & Trust) ၄မျိုး
ကိုရီးယားနိုင်ငံ အလုပ်သမားငှားရမ်းသုံးစွဲခွင့်စနစ်(Korean Employment Permit System: KorEPS) အရ ၊ ကိုရီးယားနိုင်ငံသို့ရောက်ရှိလာကြတဲ့ အလုပ်သမားများဟာ အာမခံနှင့် အပေါင်ငွေ ၄ မျိုးကို မထားမနေ ထားကြရပါတယ် ။ အာမခံကြေး ၂ မျိုးကို အလုပ်သမား ကိုယ်တိုင်က ပေးသွင်းကြရပြီး ၊ ၂ မျိုးကိုတော့ အလုပ်ရှင်က ပေးသွင်းကြရတာပါ ။
အလုပ်သမားက ပေးသွင်း/အပ်နှံထားရှိရမယ့်အာမခံ ၂ မျိုးကတော့ -
- အရေးပေါ်အသုံးစရိတ် အာမခံ (Casualty Insurance) နှင့်
- အပြန်စရိတ်အာမခံ အပ်နှံငွေ (Return Cost Insurance Trust) တို့ဖြစ်ပြီး ၊
အလုပ်ရှင်က ပေးသွင်းထားရှိပေးရမယ့်အာမခံ ၂ မျိုးကတော့ -
- လုပ်သက်ဆုကြေး အာမခံ (Departure Guarantee Insurance) နှင့်
- လုပ်အားခ အာမခံ (Wage Guaranty Insurance) တို့ဖြစ်ပါတယ် ။
အဓိက အာမခံ ၄မျိုး (4 Major Insurance)
နောက်ပြီး ကိုရက်ပ်စ်လုပ်သားများ အလိုအလျောက် အကျိုးခံစားခွင့်ရှိတဲ့ အဓိက အာမခံ ၄မျိုး (4 Major Insurance) ရှိပါသေးတယ် ။ အဲတာတွေကတော့ -
- အလုပ်ခွင်ထိခိုက်မှုလျော်ကြေးအာမခံ (Industrial Accident Compensation Insurance)
- အလုပ်အကိုင် အာမခံ (Employment Insurance) ။
- အမျိုးသား ကျန်းမာရေး အာမခံ (National Health Insurance) နှင့်
- အမျိုးသား အငြိမ်းစားလစာ (National Pension) တို့ဖြစ်ပါတယ် ။
ပြောစရာရှိလာတဲ့ အမျိုးသား အငြိမ်းစားလစာ (National Pension)
အမျိုးသား အငြိမ်းစားလစာ (National Pension) အကြောင်း ပြောစရာရှိလာလို့ ဒီဆောင်းပါးကို ထပ်ပြီး ရေးရတာပါ ။ အမျိုးသားအငြိမ်းစားလစာကို နီပေါ ၊ ဗီယက်နမ် ၊ ဘင်္ဂလားဒေ့ရှ် ၊ မြန်မာ ၊ ပါကစ္စတန် ၊ တူရကီ ၊ ယူကရိန်း နှင့် ရုရှား နိုင်ငံသားများ ခံစားခွင့်မရှိဘူးလို့ ဥပဒေက ခြွင်းချက် ဆိုထားပါတယ် ။ ဒါပေမယ့် အချို့သော လုပ်ငန်းရှင်များဟာ အဲသည် ပြဋ္ဌာန်းချက်ကို ရှင်းရှင်းလင်းမသိကြဘူး ။ ဒီတော့ ခံစားခွင့်မရှိပါဘူး အကျုံးမဝင်ပါဘူး ဆိုတဲ့ မြန်မာ အပါအဝင် ခြွင်းချက်ထဲ အကျုံးဝင်တဲ့ နိုင်ငံသားတွေလည်း အမျိုးသား အငြိမ်းစားလစာ အာမခံစနစ်အတွက် လစဉ် အဖြတ်ခံခဲ့ရသူတွေ ရှိတယ်လို့ဆိုတယ် ။ ကိုရီးယားလို 국민연금 /gungmin-yeonkkeum/ ဆိုတဲ့ ခေါင်းစဉ်နှင့် အဖြတ်ခံခဲ့ရတာပါ ။
မြန်မာတွေလည်း အငြိမ်းစားလစာ ခံစားခွင့်ရသတဲ့
အဲသည်တော့ အခုအခါမှာ အဲသည် မတရားအဖြတ်ခံခဲ့ရတဲ့ အလုပ်သမားများ ဖက်က ရပ်တည်ပြီး ကိုရီးယားအစိုးရထံ တင်ပြပေးတဲ့ သူတွေရှိလာလို့ ၊ အမျိုးသားအငြိမ်းစားလစာ ခံစားခွင့်မရှိသော သူများ ခြွင်းချက် စာရင်းတွင်ပါဝင်သော်လည်း ၊ အမျိုးသားအငြိမ်းစားလစာ အာမခံငွေဖြတ်တောက်ခံခဲ့ရတဲ့ သူများကို ကိုရီးယားအစိုးရက အမျိုးသားအငြိမ်းစား လစာငွေ (National Pension) ထုတ်ယူခံစားခွင့် ပြုလိုက်တယ်လို့ ဆိုပါတယ် ။ ဒီတော့ ကျနော်တို့ မြန်မာ အီးပီအလုပ်သမားများ အနက် အမျိုးသားအငြိမ်းစားလစာအာမံငွေ ဖြတ်တောက်ခံခဲ့ရသူများ (မြန်မာပြည်သို့ ပြန်ရောက်သွားပြီး သူများအပါအဝင်) အမျိုးသား အငြိမ်းစားလစာငွေ ကို ပြန်လည် လျှောက်ထား တောင်းခံရယူနိုင်ကြကြောင်း သတင်းကောင်းပါးလိုက်ရပါတယ် ။
ဒီလို လျှောက်ထားကြရအောင်
မြန်မာပြည်သို့ ပြန်လည်ရောက်ရှိသွားသူများ မြန်မာပြည်ရှိ ကိုရီးယားနိုင်ငံသံရုံးမှတစ်ဆင့် လျှောက်ထားတောင်းခံနိုင်ကြသလို ၊ မြန်မာပြည်ပြန်ရန်ပြင်ဆင်ပြီးသူများ (မြန်မာပြည်သို့ ပြန်လည်ရောက်ရှိသွားသူများအပါအဝင်) အောက်ဖော်ပြပါ ပုဂ္ဂိုလ်များထံမှတစ်ဆင့်လည်း လျှောက်ထားတောင်းခံနိုင်ကြကြောင်း သိရပါတယ် -
- 1644-0644 လိုင်းခွဲ 13
(1644-0644 ကိုခေါ်ပြီး ၊ ကိုရီးယားမ အသံကိုစောင့်ပါ ။ သူဘာပြောပြော 13 ကိုသာ နှိပ်လိုက်ပါ ။)
မိမိတို့ရဲ့ နိုင်ငံခြားသားမှတ်ပုံတင်ကတ် (Alien Registration Card) အမှတ်နှင့် အမျိုးသားအငြိမ်းစားလစာ ဖြတ်တောက်ခံခဲ့ရကြောင်း အထောက်အထားများ ပြနိုင်ဖို့တော့ လိုမယ်လို့ဆိုပါတယ် ။ မြန်မာပြည်သို့ ပြန်ရောက်ပြီး ၅ နှစ်အတွင်းတောင်းခံရမယ်လို့ဆိုထားပါတယ် ။ (လုပ်သက်ဆုကြေးလို သွင်းထားသလောက်ပဲ ပြန်ရတဲ့ အပ်နှံငွေအမျိုးအစား အာမခံမျိုးမဟုတ်ဘူးတဲ့နော် ။ အချို့ဆို သိန်း ၇၀ ကျော်ရတဲ့သူတွေတောင် ရှိသတဲ့ ။) အခက်အခဲရှိသူ များ အောက်ဖော်ပြပါ အီးမေးလ်သို့လည်း ဆက်သွယ် မေးမြန်း အကူအညီ ရယူနိုင်ကြောင်း သိရပါတယ် -
iju.oppa@gmail.com

လေးစားမှုဖြင့် -
ကိုဝိုင်း(မိုးညှင်း)